Skip to content.
VIEW SITE IN English

He kupu Āwhina, he tohutohu

I uiui mātou i ngā tumuaki me ngā kaiako nā rātou i hāpai ngā tono toa, mō te tukanga i whāia e rātou, tae atu ki ngā tohunga o te ao mātauranga me ngā kaiwhakawā mō ngā āhuatanga ake o te tono pai rawa.

Te Āhua O Ngā Tohu Mō NāIanei
KUA PĀNUITIA NGĀ TOA
Tūtaki mai ki ngā toa

Mātakihia ngā taonga ataata hei āwhina i a koutou ki te tuari i ō koutou kōrero.

 

HE KUPU ĀWHINA MAI I TE HUNGA I WHIRIA ME NGĀ TOA

 

Me whakamahere wawe

Me tīmata te tuhi i ō kōrero i te rangi tonu e whakatau ana koe kia whakauru mai, arā, me tuhi katoa ō whakaaro me ō tirohanga i te pupūnga ake. Hei āwhina tēnei i a koe kia tuhi i tō take wānanga, nā te mea kua tuhia kētia e koe ngā kaupapa matua me "mātua whakaatu ki te ao".

Kimihia te pūtake o ō mahi

Kia mārama tonu koe mō te pūtake torowhānui o tō kaupapa, ā, tautuhitia ōna whenu matua. Wetekina, whakamāramatia te whakaaro i muri e takoto ana, he pēhea i tupu mai ai, he pēhea i tika ai mō tō pūtake torowhānui.

Kia noho pipiri mai ki tō kōrero

Kaua e wareware kia tuia mai tō tono whakauru te hunga tino pātata ki tō take wānanga, ki tō kōrero rānei. Kaua e tukua ki te tangata o waho i tō rōpū hei mahi i tēnei mahi.

Kei te rere te wā, nā reira kia tika te mahi

Kia tika te whakamahi i ngā rā o ngā hararei Kirihimete me ētahi atu wā wātea - ka hiahia koe ki te katoa o te wā i whakaritea, me ētahi atu wā pea.

Kimihia te māramatanga

Me mātua whai kia mārama tō tono whakauru ki ngā kaiwhai pānga katoa i tō kura, i tō ratonga kōhungahunga rānei. Tōia mai rātou ki runga i tō waka, kia pai ai tā rātou kauwhau, whakaū rānei i tō kōrero.

Whakaohongia ō akonga kia āwhina mai

Ko ngā tino kaitautoko mō tō kōrero/take wānanga ko ō akonga tonu. Tukua he wāhi ki a rātou i tō tono whakauru.

Kohia ō taunakitanga

He mea nui te raraunga. Mehemea kei roto koe i te kura kōhungahunga he uaua pea tēnei, nā reira kia nui tonu ngā raraunga taketake ka whakaurua e koe ki tō tono whakauru. Kia ngana ki te whakauru raraunga mai i ngā whānau mō ngā ekenga paetae o ngā tamariki.

Rapua ngā painga

Me tiro whānui ki ngā painga – ki ngā tamariki katoa. Hoatu he whakaūnga ki ngā pānga tuku mai mō tō kura me tō ratonga kōhungahunga.

Kia pono tonu

Me mātua mōhio he pono ō kōrero katoa. Mehemea ka whiria tō tono hei tono whiriwhiri, me puta ko tōu reo ake, me te reo tonu hoki o te hunga o roto.

hoki ki runga

© 2019 Te Tāhuhu O Te Mātauranga

Close modal