Skip to content.
VIEW SITE IN English

Rauemi

Whakamahia ēnei rauemi hei tautoko i tō tono ki ngā Tohu.

He tino wāhanga anō te taunakitanga nō te tono. Tirohia ngā kōrero mō te whakatakoto taunakitanga i konei.

Te Āhua O Ngā Tohu Mō NāIanei
KUA PĀNUITIA NGĀ TOA
Tūtaki mai ki ngā toa

Te Papa Kairangi

Ka noho te Papa Kairangi hei pou here mō ngā Tohu. E whakaatu nei te hoahoa i te āhua e inaki ai ētahi huanga hei whakapai ake me te toko i ngā huānga mō ngā tamariki me ngā taiohi. Kei roto i ēnei ko:

  • Ngā marautanga o Aotearoa
  • Ngā mahi i te horopaki ako
  • Te Ariā Kete Raukura.

Mā ngā mātanga me ngā kaiwhakawā o te ao mātauranga e kimi taunakitanga kua kōmitimitia ngā huānga e toru o tēnei papa ki roto i tō tono.

2017 PM Awards Diagram EEF MAO

Ngā marautanga o Aotearoa

Me whai hononga tauwhāiti tō take wānanga ki ō rautaki marautanga, rautaki mātauranga anō hoki.

Ka Hikitia – Accelerating Success 2013–2017
Kiwi Leadership for Principals

Te Marautanga o Aotearoa
Te Whāriki (Early Childhood Curriculum)
The New Zealand Curriculum for English-medium teaching and learning in years 1–13
The Pasifika Education Plan 2013–2017
Tū Rangatira Māori Medium Educational Leadership
Whakapūmautia, Papakōwhaitia, Tau ana – Grasp, Embrace and Realise (pdf)

Hoki ki runga



Te Horopaki

Te Arohuanganui, hei whakaatu i ngā taunakitanga me tō tono

He papa tikanga rua Te Arohuanganui e noho mai ai ngā tau tikanga e rua hei tohu i ngā huanga nui mō ngā tamariki me ngā taiohi o Aotearoa.

Ko aua tikanga ko ēnei:

  • te whakatutukitanga me te nekehanga
  • te nohoanga ā-iwi, te nohoanga ā-ahurea.

Ka whiriwhiria Te Arohuanganui e ngā kura me ngā kaiwhakarato kaupapa hei tikanga whakamātautau i te āhua o tā rātou mahi whakapai i ngā whakatutukitanga me ngā nekehanga, ā, e whakamātautau ana hoki i te kaha whāriki i te ako hei tautoko i ngā tamariki me ngā taiohi kia tau ai, kia tangata whenua ai te noho - e mana ai te whakapapa, te reo me ngā tikanga.

Mā Te Arohuanganui koe e āwhina ki te whakautu i te Pātai 7 i tō tono.

Te Arohuanganui

He tauira

2017 PM Awards Diagram TAVOAL2 MAO

Kei te whakaatu tēnei tauira i pēhea te arohuanganui i whakamahia ai ki te whakaatu i te painga ake o ngā huanga mō ngā tamariki me ngā taiohi mai i te 2012 ki te 2016. Ka kitea i roto te whānuitanga o ngā huanga mātauranga: ngā paetae mātauranga, ngā putanga pāpori me te ahurea. Kei te taumata teitei ake ngā paetae me ngā nekenga whakamua a ngā ākonga. I tua atu anō hoki, ka ū ake te nohoanga ā-pāpori, ā-ahurea hoki o ngā ākonga.

Hoki ki runga



Te Auautanga o te Ariā Kete Raukura (BES)

Whakaahua ai Te Ariā Kete Raukura i ngā mahi whaihua me te take i whaihua ai mō ngā tamariki me ngā taiohi. E toru ōna taputapu, arā:

  • ko te tirohanga whānui o ngā kitenga o Te Ariā Kete Raukura,
  • ko ngā pou matua e whā o ngā huanga pai o te mātauranga,
  • He Ako Reikura He Akonga Rerekura (Katoa).

Whakarāpopototanga o ngā kitenga o Te Ariā Kete Raukura

He whakarāpopototanga pdf A3 Te Ariā Kete Raukura i ngā kete matua e toru nei:

  • He Kura Rangatira, He Kura Ākonga
  • Te Kaupapa Whakaako, Whakapakari Kaiako
  • Te Putanga o Te Kete Raukura mō Te Kounga o Te Whakaako i Ngā Momo Ākonga i Te Kura.

Ko ngā pou matua e whā o ngā huanga pai o te mātauranga

Kei roto i te tirohanga whānui ko ngā pou matua e whā o te whakapakaritanga mātauranga. Kia mahia ngātahitia, ka tautokona ngā huanga pai ake mō ngā momo (katoa) ākonga.

Ko ngā pou matua e whā o ngā huanga pai o te mātauranga

Ko te Rauru Wānanga

Ko te Rauru Wānanga he hoahoa kua takoto ki te A3 tirohanga whānui o ngā kitenga o te kaupapa Kete Raukura. I hoahoatia ai tēnei 
tikanga hei āwhina i te mahi tahi hei āhuatanga whakapakari i ngā mahi i te kura kia aronui atu ai ki ngā tamariki me ngā taiohi katoa.

Ko te Rauru Wānanga

Tirohia tēnei hoahoa hei āwhina i a koe ki te tuhi i tō take wānanga. Whakamahia te Rauru Wānanga i runga ake nei hei whakautu i ngā pātai.

Pātai 4: He aha tā koutou i whai ai, ā, he aha te take i whāia ai? Tirohia te wāhanga A.

Pātai 5: He aha ngā mahi i whāia kia rerekē ai ngā huanga? Tirohia ngā wāhanga B, C me D.

Pātai 6: He aha tā koutou i mahi ai kia rerekē ngā huanga? Tirohia te wāhanga E.

Pātai 7: He aha ngā rerekētanga i puta i ēnei mahi? Tirohia te wāhanga F.

Mō ētahi atu kōrero mō Te Kete Raukura (BES) haere ki te pā ipurangi: Te Auautanga o Te Ariā Kete Raukura (BES).

Hoki ki runga



Te Rārangi Whakamārama

Ngā tamariki me ngā taiohi katoa arā:

  • ko ngā ākonga o ngā momo reo,
  • ko ērā e tino whakatutuki ana, ko ērā hoki kāore i te tino whakatutuki,
  • ko ngā ākonga i heke mai i ngā tini karangatanga, tangatatanga, nohoanga, whakapapa (tae atu ki ngā whakapapa iwi taketake), tuakiritanga hoki,
  • ko ngā ākonga whai momo hauātanga/pūkenga hoki, me ērā e whai tikanga ā-iwi anō hei kai mā te kete rauemi ako.

Me kōrero mō te Mātauranga o ngā Taupori Kanorau o ngā Ākonga mō te whakarite kia whiwhi hua kaha ake ngā momo ākonga rerekē.

Huanga mātauranga: Me tika te manaaki a te ao mātauranga i ngā ākonga katoa kia whai hua mai ō rātou māiatanga, ō rātou tuakiritanga, ō rātou hauora, ō rātou pūkenga hoki kia puta ai rātou ki te whai ao hei tohu oranga mō ō rātou iwi.

Kaitiakitanga: Ko ngā momo kaitiakitanga i ngā kura ko ngā Poari Kaitiaki tonu. Hei wāhi nō te Kaitiakitanga i te kaupapa kura kōhungahunga, ko te hunga nō rātou ngā kura kōhungahunga, ko ngā kaiārahi, ko ngā kaikawe kaupapa, ko ngā kaitiaki anō hoki.

Te kaupapa whakaumu: he āhuatanga e mōhiotia ai ngā tikanga noho o ngā tamariki me ngā taiohi, ā, me te wāhi hei kawe mā ngā kaiako ki te whakatauōrite i te noho i te ao nei.

Hoki ki runga



© 2018 Te Tāhuhu O Te Mātauranga

Close modal