Skip to content.
VIEW SITE IN English

Ngā pātai auau

Ka whakautu ngā kōrero e whai ake nei i ngā pātai e pātaihia auautia ana mō te whakauru ki Ngā Tohu Kairangi Mātauranga a te Pirimia 2019.

Ka tuwhera ngā Tohu 2019 hei ngā wiki whakamutunga o Huitanguru 2019.

 

Te Āhua O Ngā Tohu Mō NāIanei
KUA PĀNUITIA NGĀ TOA
Tūtaki mai ki ngā toa

Ngā Tikanga Māraurau

Ka tutuki i ahau ngā tikanga māraurau?

Kia whakaaetia tā koutou tono ko tō rōpū mō ngā Tohu 2019, me:

  • puta mai i:
    • tētahi ratonga kōhungahunga whai raihana, tiwhikete rānei, i tētahi huinga ratonga
    • te rōpū whakahaere o tētahi ratonga kōhungahunga whai raihana, tiwhikete rānei
    • tētahi kura tuatahi, tuarua/kura rumaki reo Māori/wharekura kua rēhita, i tētahi huinga kura tuatahi, tuarua/kua rumaki reo Māori/wharekura kua rēhita pērā i te Kāhui Ako
  • aronui ki te whai huanga pai ake mō ngā tamariki me ngā taiohi i ngā kura kōhungahunga, kura tuatahi, tuarua hoki, i ngā kaupapa arareo Pākehā, Māori, Pasifika rānei
  • puta mai i tētahi rōpū, tīma, whakahoatanga rānei (kāore e whakaaetia ngā tono a te tangata takitahi)
  • tangata whenua mai i Aotearoa
  • whai wāhi ki ngā tuhinga marautanga me ngā rautaki mātauranga ā-kura kōhungahunga, ā-kura tuatahi, tuarua hoki i waihangatia i Aotearoa tonu, e hāngai tonu ana ki te whakaako me te ako
  • kaua e whakawehi i te mana o Ngā Tohu.

Kāore e whakaaetia he tono mō tētahi tangata takitahi, kia tono mai rānei mehemea he kaimahi, kua whai kirimana rānei tētahi o tō rōpū, tīma, whakahoatanga rānei i tētahi o Ngā Tari Mātauranga (pērā i te Tāhuhu o te Mātauranga, Matatū Aotearoa, Te Tari Arotake Mātauranga , Mātauranga Aotearoa, Te Amorangi Mātauranga Matua, Te Mana Tohu Mātauranga o Aotearoa, Mana Rapuara Aotearoa rānei).

ki te kore e tutuki i tā mātou tono t/ētahi o ngā paearu ka whakaaetia tonutia?

E kāo. I mua i te tuku i tō tono me mātua tirotiro kia tutuki rawa ngā paearu me ngā tikanga katoa. Mēnā kei te rangirua koe, me tuku tō pātai mā te īmēra ki: info@pmawards.education.govt.nz me waea atu rānei ki: 0800 PM AWARDS (0800 762 927).

ka taea e ngā kura tū motuhake te whakauru ki ngā tohu?

Āe, e whakaaetia ana ngā kura tū motuhake engari me tutuki rawa i tā rātou tono ngā tikanga māraurau katoa. Inā koa me whai pānga ki ngā tuhinga marautanga me ngā rautaki mātauranga i waihangatia i Aotearoa tonu. Hei tauira; e kore e whai wāhi ki tō tono, ngā raraunga mai i te International Baccalaureate.

Hoki ki Runga


Te whakauru ki ngā Tohu

He aha ngā āhuatanga me whai wāhi ki te tono?

I muri i te tirotiro mēnā ka taea e koe te tono, ka tuku iho tō rōpū, tīma, whakahoatanga rānei tētahi puka tono, ā, ka tuhi take wānanga ai. Me whakaoti e koutou te katoa o ngā pātai me ngā wāhanga o te puka tono.

e taea rānei te whakauru ki ngā wāhanga atu i te kotahi?

Āe. Tērā pea ka whakaarohia e koe ka whai wāhi tō tono ki ngā momo wāhanga, ā, me pērā hoki te whakamātautauranga. I tō puka tono, me mātua kōwhiri ngā wāhanga e hāngai ana ki tō tono (Pātai 2).

Mēnā kei te whakaaro koutou kia whakauru ki ngā wāhanga atu i te kotahi, tērā e hiahia koutou ki te whakaoti i ngā puka e rua. Mā konei e āhei ai koutou ki te aro ki ia tono, inā rā e 30 whārangi te nuinga rawa e whakaaetia ana.

Mō Pātai 5, me mātua whakautu e koe te/ngā pātai e hāngai ana ki te/ngā wāhanga kei te whakaurua. Me hāngai tonu te/ngā whakautu ki te/ngā wāhanga nāu i kōwhiri i Pātai 2.

Hei tauira: kei te hiahia whakauru tō rōpū ki ngā wāhanga mō 'Te Hiranga o Te Arataki' me te 'Te Hiranga o Te Kaitiakitanga', nō reira ka takea ngā whakautu i ngā kōrero e kitea ana i Pātai 5.

Te Hiranga o Te Arataki: Whakaarohia ngā mea i whāia kia rerekē, kia pai ake ngā mahi a ngā kaiarataki me ngā kaiako hei whakatutuki i ngā hua kei te hiahiatia.

 

Tirohia 'Me pēhea e whakaatu ai ngā mahi i whāia kia rerekē?' (Pātai 5)

ka taea ngā tono maha te tuku atu?

Āe. Kāore he aha hei aukati kia hia ngā tono mō tēnā kaupapa, mō tēnā kaupapa a tō rōpū. Engari kia kotahi te puka tono mō ia kaupapa.

ka whai wāhi ngā tono katoa ki te tohu nui a te pirimia?

Kao. Ko te toa mō te Taonga Mātauranga ka kōwhiria mai i ngā wāhanga mātua e whā anake. 

E kore te toa o Te Taonga Mātauranga 2019 e tirohia mō te Tohu Nui a te Pirimia.

Hoki ki Runga

 


Te Takotoranga

me whakawhāiti rawa ngā kōrero? 

Āe. Me kaua tō take wānanga e neke atu i ngā whārangi 30 tahatahi A4 (e 15 whārangi taharua). Ka whāiti mai ko ngā taunakitanga, whakaahua, hoahoa, āhuahanga, ripanga, tāpiritanga me ngā rārangi pukapuka, rārangi tohutoro rānei. He pai noa kia iti iho tō tono oti i te 30 whārangi, engari kia maumahara e kore e whakaaetia ngā tono nui atu i te 30 whārangi.

He aha te momo takotoranga hei whai mā mātou?

Kei te puka tono te takotoranga e tika ana māu. Me mātua whai tō tono i ēnei āhua takoto, arā, ko te Arial 11 te rahi o te momotuhi, ā, me 1.5cm te takiwā rārangi me 2.5 cm ngā tapa.

ka pēhea mēna kei tua atu i te maha o ngā whārangi tā mātou tono? 

E KORE tō tono e tirohia ki te kore e tutuki te whāititanga rawatanga o ngā whārangi. Tirohia te pātai i runga ake me ngā tohutohu kei te puka tono.

ka whai wāhi te rārangi pukapuka/tohutoro ki te maha o ngā wharangi?

Āe. Ka whai wāhi anō te whārangi rārangi pukapuka/tohutoro ki ngā whārangi 30, A4. E kore tō tono e whakaaetia mēnā he nui atu te tuhinga i te  30 whārangi.

ka taea te whakauru ki tā matou take wānanga ngā hononga-itua ki ngā kōrero ipurangi?

Kāo. E kore te pae tohunga e tirotiro ngā kōrero i roto i ngā hononga-itua. Ko te whakatau me whakamahi ngā kupu tautoko i ngā kōrero ā-ipurangi, ā, me rau atu ngā hononga ki te rārangi tohutoro. 

ka taea te tuku ake ngā tuhinga maha mā te ipurangi?

E kāo. Kotahi anake te tuhinga (30 whārangi, iti iho rānei) ka whakaaetia. Me whakauru ngā taunakitanga ki tō tono. Pupuritia hei kōnae PDF. Ka taea anōtia tētahi kōnae ataata te tono atu hei tautoko i tō tono (tirohia ngā kōrero i raro).

Hoki ki Runga

 


te kōnae ataata

ka taea e mātou te whakauru tētahi kōnae ataata?

Āe, ka taea tētahi kōnae ataata te whakauru ki tō koutou tono. Kei a koutou anō te tikanga. Engari me mātua tutuki i tō kōnae ataata ēnei tikanga:

Me whakamahi tētahi o ēnei momo kōnae ataata: .mp3, .mp4, .m4v, .mov, .wmv

(Kāore e whakaaetia ngā USB, DVD, pāpāho rānei ka tukua mā te īmēra)

ka taea e mātou te whakauru tētahi hononga-itua ki tētahi taonga ataata ki tā mātou puka tono?

E kāo. E kore e tirohia ngā hononga pae tukutuku, pērā i YouTube me Vimeo hei wāhanga nō tō tono.

Hoki ki Runga

 


ngā pātai whakauru

e kimi ana  te pae tohunga me te pae kaiwhakawā i te aha?

Ka whakamātautauria ngā tono i runga i te kaha aro ki te whai huanga pai ake mō ngā tamariki me ngā taiohi – me te hononga o tēnei ki ngā rerekētanga e kitea ana i te take e wānangahia ana.

Ka arotake ngā Paepae whakawā i tō tono i runga i:

ngā taipitopito mō te rōpū: he te tikanga o te kōrero te arareo?

E kōrero ana te arareo mō te reo, ngā reo rānei e kōrerotia ana i te wāhi ako mō te nuinga o te wā. Hei tauira, tērā pea ko tō arareo ko te reo Māori, reo Pākehā, reorua aha atu, aha atu.

he aha ngā kōrero me whai e mātou i te pātai 'he aha tā koutou i whai atu ai, nā te aha i mahi ai?' (pātai 4)

Hei tēnei wāhanga ko tā koutou he whakaatu i tīmata mai koutou i hea. Hei konei hoki e whakaaturia ai ngā momo take me ngā kōrero taketake mō ngā huanga mō ngā tamariki me ngā taiohi nā reira i whakatau ai koutou me rerekē ngā mahi. Me uru ki roto ngā raraunga e kitea ai nā te aha i kōwhiria ai te wāhi me ngā mahi hei whakapai ake.

Me whakaatu hoki i pēhea koutou i tautohu ai i ngā rōpū hei whakahoatanga mō koutou, ko tā rātou i mau mai mō te kaupapa, nō hea mai te whakaaro mō te huarahi i whāia e koutou, me ngā rangahau e tika ana.

me pēhea mātou e whakaatu ai 'i aha mātou kia rerekē ai ngā mahi?' (pātai 5)

Ko tāu he whakaahua mai i ngā mahi akoako ake me ngā tukanga i huria e koutou kia pai ake ai ngā tutukitanga a ngā ākonga.

Ka whai wāhi koutou i konei ki te tautohu i ngā tūranga i kawea e tēnā, e tēnā kia rerekē ai ngā huanga mō ngā tamariki me ngā taiohi. Me uru hoki he kōrero mō ngā whanonga o mua me te wāhi o aua whanonga ki ngā huanga. Me whakaatu hoki tā koutou e mārama ana mō te pai o te mahi ngātahi, o te whakahoatanga kia taea ngā taumata whānui o te angitu.

Whakamahia ngā whakaahuatanga i raro i tēnei pātai hei whakahāngai i ō whakautu kia hono ki te wāhanga Tohu/Taonga kei te whakaurua.

Tirohia te wāhanga 'E taea rānei te whakauru ki ngā wāhanga atu i te kotahi?'

me pēhea mātou e whakutu ai i te pātai 'i aha koutou kia rerekē ai ngā mahi?' (pātai 6)

I tēnei wāhanga me whakaatu mai i ngā hīkoitanga i whāia kia rerekē ai ngā mahi, pērā i ngā kaupapa whakatipu ngaiotanga a ngā kaiako, te whai wāhi mai o ngā momo whakahaere, ngā rōpū whakahaere ngā kura/ratonga kōhungahunga/Kāhui Ako rānei, ngā rerekētanga i ngā mahi whakaako, te whai wāhi mai o ngā mātua/whānau, te hapori me ētahi tūāhuatanga ake i tohua e koutou.

me pēhea mātou e whakaatu ai he aha te huanga o aua rerekētanga (pātai 7)?

He rerekē ia tono tētahi i tētahi, ā, he pērā hoki ngā huanga. Ehara i te mea kia whakahau i tētahi tūāhua hei ine i ngā huanga, engari mā te take wānanga e taea ai te whakaatu i ‘tō mua’ me ‘tō muri’ huanga ki te takotoranga e tika ana.

Mō te nuinga o ngā tono, ko te takotoranga ka whāia ko tērā o te kohinga raraunga i ētahi wā motuhake i roto i te huringa o te wā e whakakitea mai te āhua o te rerekētanga, ko ngā huanga pai te mutunga mai. I ngā wāhi e taea ana me whakataurite ki tētahi rōpū tiaki, me whakamahi rānei te ‘tātaitanga ine pānga’. Mō ētahi atu kōrero mō ngā tātaitanga rahinga me toro ki: www.educationcounts.govt.nz.

me pēhea mātou kia pai haere tonu ai ā matou mahi (pātai 8 me 9)?

Kei ngā wāhanga whakamutunga e rua o te take wānanga, ka whai wāhi koutou ki te rārangi mai i ngā tino akoranga i puta ake i te tukanga whakarerekē, me te tautohu mai i ngā rautaki hei āwhina i a koutou kia whai haere tonu i te pae tawhiti, kia mau tonu ai ngā pae tata.

Ko te tikanga ka puta noa mai ngā hīkoi o muri i ngā mahi i whakaahuatia i roto i tō take wānanga, engari, ka tohu anō pea i ngā rangahau hou, ngā huarahi, tērā ka puta mai, me te tautoko mai i ngā whakahoatanga hou.

he aha hei āwhina i a mātou ki te whakarite i te tono?

Tirohia te whārangi 'He Rauemi hei Tautoko i tō Tono' kei tēnei pae tukutuku.

Tērā ka hiahia koe ki te tohu i ētahi atu kōrero whaihua i roto i tō tono. Whakamahia he kupu puaki, ā, me rārangi mai ngā tohutoro katoa ki te whārangi tohutoro/rārangi pukapuka.

he aha ngā taunakitanga hei whai mā mātou?

Tirohia te wāhanga taunakitanga i tēnei pae tukutuku. Ka taea hoki te wāhanga taunakitanga mā te tiro i te whārangi 'He Rauemi hei Tautoko i tō Tono'.

Kia maumahara, ko ngā mea ka āta tirohia e te Pae Mātanga Mātauranga me te Pae Whakawā ko ā koutou taunakitanga, raraunga, me te tātaritanga i aua raraunga.

Hoki ki Runga

 


te taonga mātauranga 2019

Ka whakahoutia te Taonga Mātauranga mō 2019.

Hoki ki Runga

 


te tuku i tā mātou tono

me pēhea e tuku atu ai i tā mātou tono mā te ipurangi?

Pupuritia tō tono hei konae .pdf. Pupuritia te tuhinga hei: Tono Whakauru_ingoa rōpū.pdf

Mēnā kei te whakauru koutou i tētahi kōnae ataata, me pupuri hei: Ataata_ingoa rōpū

Hei tauira:
Tono Whakauru_Tari Pāngarau, AEI Kāreti.pdf
Ataata_Tari Pāngarau, AEI Kāreti.mp4

Me whakamahi tētahi o ēnei momo kōnae ataata: .mp3, .mp4, m4v, .mov, .wmv

ka aha mēna ka puta ake he kōrero hapa ina tuku ake ana mātou i tā mātou tono?

Mēnā he āwangawanga ōu me waea atu ki 0800 PM AWARDS (0800 762 927) me īmēra atu rānei ki info@pmawards.education.govt.nz.

āe, kāo rānei, ka whakaaetia tā mātou tono i muri te rā kati?

Kao. E kore e whakaaetia ngā tono i muri mai i 5 karaka i te ahiahi o te rā kati.

Tērā pea ka hiahia koe ki te tiro i te whārangi tuku ake i mua i te tuku atu i tō tono ki te ipurangi.

KA TAEA RĀNEI TE TUKU I TAKU TONO MĀ TĒTAHI ATU ARA?

Kāo. Kia tukua tō tono, me mātua tuku ake ki te pae tukutuku a Ngā Tohu. Kāore e whakaaetia ngā tono mā te īmēra, te pōhi, te karere kawe, te ringa tangata rānei.

 He pātai anō?

He pātai anō rānei āu kāore i whakautua i konei? Īmēra atu ki info@pmawards.education.govt.nz me waea atu rānei ki 0800 PM AWARDS (0800 762 927).

Hoki ki Runga

 

© 2018 Te Tāhuhu O Te Mātauranga

Close modal